Duke kuptuar rëndësinë e hapësirave publike, ju prezentojmë “StoryLab Communities”, ku njerëzit mund të vijnë dhe të përdorin hapësirën e StoryLab per aktivitete, mbledhi, takime komunitetit, etj.

Duke pasur parasysh mungesën e hapësirave publike në Prishtinë, dëshirojmë t’i hapim dyert për studentë, klube, artistë, grupe joformale, punonjës të kulturës, kolektive të ndryshme, organizata ekzistuese apo në ndërtim e sipër, etj.

Tani nuk keni më arsyetime për ta shtyer atë mbledhjen apo ndodhinë e rradhës!

Ngjarjet mund të jenë të përsëritshme apo të ndodhin vetëm një herë.

Për fillim, në dispozicion për komunitetin janë ditët e marte dhe të enjte, nga ora 15:00 deri në orën 18:00.

Ju lutem të na njoftoni të paktën një javë më herët.

Për të aplikuar, plotësoni formularin online, apo na dërgoni një email me detaje tek info@storylab.al

___

“StoryLab Communities” aktualisht nuk merr asnje grant apo financim publik, dhe mbështetet krejtësisht nga dedikimi i ekipit të StoryLab.

Nëse ju pëlqejnë gjërat që bëjmë dhe dëshironi të kontribuoni e të na ndihmoni për të vazhduar në këtë drejtim, ju lutemi na kontaktoni në info@storylab.al

___

Disa nga evenimentet e programit Communities:

15 prill, 2026

Si pjesë e programit tonë StoryLab Communities, ju ftojmë të merrni pjesë në evenimentin nga ___. Collective, me temë: Nietzche mbi artin.

Jemi të lumtur të ju njoftojmë se ___. (Blank) Collective po fillon degëzimin e parë të ngjarjeve publike të ___. Talks. Këto ngjarje synojnë të shtyjnë përpara diskutime të reja në art, kulturë, kritikë dhe teori brenda skenës në Kosovë.☄️

24 shkurt, 2026

Si pjesë e bashkëpunimit tonë me Komunitetet StoryLab, ju ftojmë në një sesion informues të Korpusit Evropian të Solidaritetit.

Po organizojmë një sesion informues në StoryLab në Prishtinë. Duke u përqendruar në European Solidarity Corps (ESC), një program i BE-së që u ofron të rinjve mundësinë për t’u bashkuar me projekte me ndikim në të gjithë Evropën.